कोल्हापूरला कायम राष्ट्रीय व आंतरराष्ट्रीय स्तरावर गौरव प्राप्त करून देणाऱ्या प्रख्यात स्त्रीरोग व वंध्यत्व तज्ञ डॉ. पद्मा रेखा शिशिर जिरगे यांची Maharashtra chapter of ISAR (Indian Society of Assisted Reproduction) या नामांकित संस्थेच्या अध्यक्षपदी निवड करण्यात आली आहे. हे बहुमानाचे पद डॉ. पद्मा रेखा जिरगे यांना दि ९ जुलै रोजी नागपूर येथे पार पडलेल्या परिषदे मध्ये बहाल करण्यात आले आहे. या परिषदेत डॉ. पद्मा रेखा जिरगे यांनी वंध्यत्व क्षेत्रातील सध्याच्या व भविष्यातील विविध पैलूंवर मोलाचे मार्गदर्शन केले.
डॉ. पद्मा रेखा जिरगे विविध संशोधन तसेच प्रत्यक्ष रुग्ण उपचार याद्वारे कायमच समाजाप्रती असलेले आपले कर्तव्य अविरतपणे पार पाडत आहेत. वंध्यत्व उपचारांमध्ये त्यांचे संशोधन हे नक्कीच अनेक पेशंटस् साठी वंध्यत्व निवारण करण्यासाठी बहुमोल ठरत आहे.पश्चिम महाराष्ट्रातील कोल्हापुर सारख्या तुलनेने छोट्या जिल्ह्यासाठी डॉ. पद्मा रेखा जिरगे यांची ही निवड खूप अभिमानास्पद आहे.
पुढील दोन वर्षे डॉ.पद्मा रेखा जिरगे हा पदभार सांभाळतील .वंध्यत्व रुग्णांना यशस्वी व सर्वोत्तम उपचार देण्याच्या दृष्टीने या क्षेत्रातील सर्वांसाठीच त्यांची ही निवड सार्थ ठरणार आहे .या दोन वर्षात त्यांच्याद्वारे केल्या जाणाऱ्या कार्यपद्धती बद्दल त्यांनी माहिती दिली .त्यात पुढील गोष्टींचा समावेश असेल असे त्यांनी सांगितले .
